Beyraqeka hîna girde pare kerd

Parekerdişê fotografî suc ame hesibnayîş. Mehkemeya Almanya seba parekerdişê ci yê Facebookî 1600 Euro cezaya pereyî da Îdarekarê Komeleya Kurdê Mezopotamya yê Gîessenî Yakup Avciyî.

20 Mayıs 2017 Cumartesi | Kirmanckî

Parekerdişê fotografî suc ame hesibnayîş. Mehkemeya Almanya seba parekerdişê ci yê Facebookî 1600 Euro cezaya pereyî da Îdarekarê Komeleya Kurdê Mezopotamya yê Gîessenî Yakup Avciyî. Avciyo ke Giessenê Almanya de cuyeno par şîbî bajarê Strasburgê Fransa û çadiro ke Parlementoyê Ewrropa ver de ameybî akerdiş, zîyaret kerdbî. 

Avciyî vernîya beyraqa PKKyî de fotografêk antbî û hesabê xo yê Facebookî ser ro pare kerdbî. Polîsê Almanya bi mehneya beyraqe doze akerdî û bi qerarê dozgerî Facebookê Avciyî padayî. Avciyî mehkema de va ‘ez PKKyî sey ‘teror’î nêvînena, PKK hereketê şaran o û Rojhelato Mîyanen de êzidîyan çeteyanê DAIŞî ra xelisna. Rêxistinêka winasî senî bena terorîst?’ Heyetê mehkeme cezaya pereyî qebul kerd û avukatê Avciyî zî qerarî berd Mehkemeya Berzî. Îtîrazan ra dima polîsî bi şertê wedarnayîşê beyraqe, Facebookê Avciyî akerdî. Avciyî akerdişê hesabî ra dima fotografêko hîna girde pare kerd.Babete ser o Îdarekarê Komeleya Kurdê Mezopotamya yê Gîessenî Yakup Avciyî qisey kerd.Avciyî qiseykerdişê xo de wina va: “Polîsî xebatan ver mi şinasnenî û mi kerdî hedefê xo. Almanya wayîrê erjanê xo nêvejîyena û wazena ke têkoşînê azadî yê şaran têk bîşêra. Ceza xemê mi de nîya. Do têkoşînê mi dewam bikero.” 



PERWER YAŞ / ANF / BERLÎN




160

YENİ ÖZGÜR POLİTİKA