Şengal de komplo ame lanetkerdiş

Serrgêra 19. ya Komploya Mîyanneteweyî ya 15ê Sibate xeylê cayan de ame şermizarkerdiş. Nê cayan ra yewe zî Şengal bi. Şengalijî vejîyayî raşteyan û vernîya Şaredarîya Şengalî ra ver bi Raşteyê Şehîdan rayîr şîyî.

15 Şubat 2018 Perşembe | Kirmanckî

Serrgêra 19. ya Komploya Mîyanneteweyî ya 15ê Sibate xeylê cayan de ame şermizarkerdiş. Nê cayan ra yewe zî Şengal bi. Şengalijî vejîyayî raşteyan û vernîya Şaredarîya Şengalî ra ver bi Raşteyê Şehîdan rayîr şîyî. 

Çalakîye de sloganê ‘Bicuye Rayber Apo’, ‘Bi can bi gonî ma to reyde yî ey Rayber Apo’ û sewbîna ameyî eştiş û pankarto ke ser o ‘15ê Sibate lêmêko mîyanneteweyî yo’ amebî nuştiş, ame akerdiş. 


Bi mîlyonê dormeyê Rayber Apoyî de kom bîyî

Raşteyê Şehîdan de Hemserekê Meclîsê Xoserî yê Demokratîke yê Şengalî Riham Hicoyî qisey kerd û wina va: “Komploya Mîyanneteweyî ewro zî dewam kena û amanc tîya de çinîkerdişê îradeya şarê kurdî bî. Labelê bi mîlyonê dormeyê Rayber Apoyî de kom bîyî û komplo veng vetî. Komplogêrî na rey hewl dayî fikrê û projeyê Rayber Apoyî çinî bikerî. Labelê nêyî zî bi vindetişê Rayber Apoyî û wayîrvejîyayîşê şarî veng ame vetiş. Serra 20. ya komploye de dewleta tirk hewl dana Efrînî dagîr bikero. Dewletê Amerîka, Rûsya, Yewîya Ewropa û sewbîna dezgeyî zî bêveng manenî.”

Îzehet ra dima çalakîye bi slogananê ‘Bicuye Rayber Apo’, ‘Bicuye Xoverdayîşê Îmrali’ û ‘Wa bimiro hêzê komplogêrî’ qedîyaye. 


ROJNEWS / ŞENGAL



37

YENİ ÖZGÜR POLİTİKA