Erdogan se vajo, beno manşet

Rojnameger û rexnekerdoxê çapemenî Ragip Duranî derheqê rewşa çapmenî de qisey kerd û fikrê xo aşkere kerd. 

Duranî va ‘ziwanê çapemenî ewro bi temamî bîyo ziwanê Erdoganî’ û wina dewam kerd: “Dîqet bikerê, ewro zafaneyê îzehetê Erdoganî hetê çapemenîya hetgir ra manşet de yenî dayîş. Verê Serekê Sererkanê Pêroyî se bivatêne, bêcigêrayîş û bêkontrolî erzîyayêne manşetî. Qehreman bedilîya la ewro eynî çîyî dewam kenî.”

Duranî dîyar kerd ke goreyê çapemenîya hetgir nîmeyê nufûsê welatî ‘terorîst, FETO, ataîst û xayîn î’ û wina domna: “Wexto ke merdim manşetanê çapemenî ra ewnîyeno, eynî xebere û eynî fotografî yenî dîyayîş’. Lazim nîyo îqtîdar hende rojname vejeno. Çimkî hemînan de eynî xebere, eynî vînayîş û eynî kuncnuşteyî estî. No seba wendekaran zî kulfet o; çimkî lazim nîyo merdim 3 rojnameyan biwano. Verê cû tayînan çapemenî gêrayêne û perspektîf dayêne înan. Labelê ewro heme xebatkarê çapemenî seba ke xizmet bidî Erdoganî,xebetîyenî. Seba ke zafaneyê nê kesan saya Erdoganî de wezîfe kenî, nêşênî bivejyî teberê vatişê Erdoganî.”  

 DÎHABER/STENBOL