Dibistanê kurdî welişnay

Bêtehamulîya hikûmeta AKP ya vera ziwanê kurdî ramena. Roja verî cendirmeyan bi kepçeyan dibistanê kurdî yê dewa Kerwas ê Lîce yê Amedî ke 2014î de abîyabi, welişnay.

15 Nisan 2017 Cumartesi | Kirmanckî

Bêtehamulîya hikûmeta AKP ya vera ziwanê kurdî ramena. Roja verî cendirmeyan bi kepçeyan dibistanê kurdî yê dewa Kerwas ê Lîce yê Amedî ke 2014î de abîyabi, welişnay. 

Lejkeranê Tirk, 13ê Nîsane de dibistanê kurdî ke dewa Kerwas ê qezaya Amed Lîce de yo bi kepçeyan xirab kerd. Dibistano ke 4 qatî yo 2014 de hetê KURDÎ-DER seba ke domanê kurd bi kurdî perwerde bivînê viraştbi. Bado ke Walîtiyê Amed 14 dewanê çoltarê Lîcê, Karaz û Hezro de qedexeyê vejyayîşê teber îlan kerd, leşkeran operasyon viraşt û çarçoveyê operasyonî de dibistanê kurdî bi kepçeyan welişna. 

Dozgerê komarî yê Lîcê serra 2014 de qerarê xirabkerdişê mektebî da. Netîceyê nêrazîbîyayîşê şarî de, qerarê rijnayîşê mektebî vindîyabi.  

Pêrokîn mektebê kurdî padîyay

Par zî  Mektebê Seretayî yê Ferzad Kemanger ke Rêzan a Amed de, qezaya Colemerg Gever de Mektebê Seretayî yê Dayika Uveyş û qezaya Şirnex Cizîr de Mektebê Seretayî yê Berîvan ke bi kurdî ders day domanan amey padîyayîş. 

Mektebê Seretayî yê Ferzad Kemanger ke bi ‘Statuyê Mektebê Taybet destpa perwerdeyê kurdî kerd de 238 wendekaran rê ders amey dayen. 

Wextekê kilmek ra dima bi seyan malbatan dûştê perwerdeyê asîmîlasyonîst yê dewleta tirk serpirodayişê mektebanê kurdî kerd û domananê xo riştî nê mekteban. Bi seyan domanî şî nê mekteban de bi ziwandê dayike perwerde dî. La nika yew ca de zî dibistaneke nêmend ke bi ziwandê kurdî ders dano.  


AMED


128

YENİ ÖZGÜR POLİTİKA