AKPyî û MHPyî zî vanê ‘Nê’

Yorukê ke Koyanê Torosî de cuyenî û bi serran o tercîhê xo hetê AKP û MHPyî ra xebetnenî zî derheqê referandûmî de qisey kerdî û fikrê xo aşkere kerdî. 

Dewa Gozne ra Ramazan Doganî va ‘ez bi serran o reya xo dana AKPyî, labelê referandûm de ez do vaja nê’ û wina domna: “Ma nêwazenî reyna donemê Abdulhamîtî bicuyî. Ez kamcîn wext TRTyî akena, weşano taybet esto. Ma êdî eciz bîyî.”

Dewa Ayvagedîgî ra Halîl Guro ke heta nika reya xo dayo AKPyî zî wina va: “Ganî komare teslîmê kesêk nêro kerdiş. Ez vatişê Serekwezîr Bînalî Yildirimî yê ‘Ma do kesêk biweçînî’ fam nêkena. Çira welat teslîmê kesêk yeno kerdiş? Ez do vaja nê.”

Selamî Oktayo ke AKPyî yo zî vera sîstemê yew kesî de yo va, “Pîyê mi zî bibo ez do reya xo nêda yew kesî.”

Se ra 50ê weçînitoxan vînî bî 

Dewa Degîrmendere ra Îbrahîm Turguto ke heta nika reya xo dayo MHPyî, vindetişê Bahçelîyî qebul nêkeno. Turgutî va, “Bahçelî kewto pey Erdoganî û cok ra se ra 50ê weçînitoxan vînî bî.“ Halîl Ayo MHPyî zî va, “Ez do vaja nê û ti kes nêeşkeno tercîhê mi ver mi teror îlan bikero.”

AHMET KANBAL / DÎHABER / MÊRSÎN